Алтынньы 1 күнүгэр Кэптэнитээҕи Бүөтүр Оҕотоойоп аатынан сынньалаҥ киинигэр “Олохпут көмүс күһүнэ”- диэн ааттаах Аан дойдутааҕы сааһырбыттар күннэригэр аналлаах декада үөрүүлээх чааһа ыытылынна. Тэрээһин аҕам саастаах дьоммутугар Лөгөй нэһилиэгин баһылыга Николай Николаевич Попов эҕэрдэ тылынан, “Чэчир” уһуйаан, “Лөгөй лицей-интернат” оҕолорун, кэрэ куолас Илья Чириков ылбаҕай ырыаларынан доҕуһуолланан саҕаланна.
“Көмүс күһүн” айылҕа матырыйаалыттан панно, “Көмүс күһүн бэлэҕэ” букет, “Күһүҥҥү фантазия” пирог астааһынагар күрэхтэр ыытылыннылар.
Аҕам саастаах үтүө дьоммут минньигэс астаах сандалы тула ирэ-хоро кэпсэтэн, ыллаан-туойан, үҥкүүлээн, оонньоон көрүлээн тарҕастылар.
