Аҕа дойдуну көмүскээччилэр күннэрэ Лөгөй нэһилиэгэр

Аҕа дойдуну көмүскээччилэр күннэригэр аналлаах  Кэптэнитээҕи П.П. Оготоев аатынан сынньалаҥ киин тэрийиитинэн  бильярд күрэҕэр Лөгөй нэһилиэгин чемпионата буолан ааста.

Эр хоһуун дьоммут икки ардыларыгар ыытыллыбыт күөн-күрэс түмүгүнэн бэтэрээннэргэ

I миэстэни Олесов А.В., II миэстэни Бережнев Ю.Е., III миэстэни Готовцев П.Н. ыллылар.

Эдэрдэргэ I миэстэни Максимов А.В., II миэстэни Прядезников В.Ф., III миэстэни Федоров Ф.М. ыланнар Грамотанан уонна бириистэринэн наҕараадаланнылар.

Салгыы Лөгөй нэһилиэгин  “Добун” эр дьон түмсүүтүн “Түмэр күүс” бырааһынньыктааҕы дьоро киэһэлэрэ түөлбэ кэрэ аҥардара астаабыт минньигэс астаах остуолларын тула эҕэрдэ ырыанан доҕуһуоллатан Лөгөй нэһилиэгин солбуйар баһылыга А.А. Бурнашева эҕэрдэ тылынан ырыанан-тойугунан саҕаланна. Ирэ-хоро сэһэргэһии, сыллааҕы былааны торумнааһын, көрдөөх оонньуулар эр дьоннору түмтэ. Сэргэх сынньалаҥы тэрийсиигэ “Өбүгэ аһа” түмсүү кыттыылаахтара (сал. М.А. Малышева) кыттыыны ылан күүс-көмө буоллулар.

Бу тэрээһининэн сибээстээн билигин аҕа көлүөнэ хорсун быһыыларын холобур оҥостон, анал байыаннай дьайыыга  биһиги биир дойдулаахтарбыт Ийэ дойдубут көҥүлүн туһугар дойду интэриэһин көмүскүү сылдьар дьоммут дьиэ-кэргэттэригэр  көмөнү оҥорууга “Аһымал полката” акция үлэтин саҕалаата.